Muqdisho-RisaalaFM- Danjire Jamaal Maxamed Xasan Safiirka Soomaaliya u fadhiya dalka Kenya ayaa sheegay in qeyb ka mid ah qalabka lagu hago diyaaradaha laga keenay dalka Kenya.
Waxaana uu tilmaamay in qalabkaas lagu wareejin doono maamulka Wasaaradda Gaadiidka iyo Duulista Hawada Soomaaliya.
Sidoo kale Danjire Jamaal Maxamed Xasan ayaa sheegay xusay in qalabka uu ka keenay Kenya ay yihiin qeyb ka mid ah Isgaarsiinta looga shaqeeyo hawada Soomaaliya ee yaalla Magaalada Nairobo.
Safiirka Soomaaliya ee dalka Kenya Danjire Jamaal Maxamed Xasan ayaa qiray in tallaabadani ay door weyn ka ciyaari karto horumarka dalka, maadaama Wasaaradda gaadiidka iyo duulista Hawada ay awood u yeelan doonto in caasimadda ay ka maamusho hawada dalka.
Waxaana la xaqiijiyay in maalinta Isniinta la qaban doono xaflad Safiirka Soomaaliya ee Kenya uu qalabkaasi ku wareejinaayo madaxda Wasaaradda gaadiidka iyo duulista hawada.