Hay’adda socdaalka adduunka ee IOM ayaa sheegtay in xabaal wadareed ay ku jiraan meydadka ugu yaraan 65 tahriibayaal ah laga helay dalka Liibiya.
Hay’adda IOM ayaa sheegtay in xaaladda geeridooda iyo dalalka ay u dhasheen aan ilaa hadda la garanayn balse ay rumaysan yihiin in ay ku dhinteen iyaga oo si qarsoodi ah uga tahriibaya saxaraha kuna sii jeeday badda Mediterranean-ka.
Hay’addan oo qayb ka ah Qaramada Midoobay, ayaa sheegtay in ay “aad uga naxday” arrintan.
Xabaal wadareedka ayaa la sheegay in laga helay Koonfurta galbeed ee Liibiya.
Afhayeen u hadlay IOM ayaa yiri: “Warbixin kasta oo ku saabsan tahriibe maqan ama dhintay waxay ka dhigan tahay qoys murugaysan oo raadinaya jawaabo ku saabsan kuwa ay jecel yihiin ama ogaada geeridooda.
“Qiimaha ficilla’aanta aan ku filnayn waxay caddaynaysaa dhimashada sii kordhaysa ee bini’aadamka iyo xaaladaha naxdinta leh ee tahriibayaashu la kulmaan.”
Hay’addu waxay sheegtay in masiibadan ay muujinayso baahida loo qabo in si wada jir ah looga jawaabo tahriibka iyo dariiqooyinka socdaalka sharciga ah.
Liibiya ayaa ka mid ah meelaha ugu badan ee ay ka baxaan muhaajiriinta Soomali ay qayb tahay ee isku dayaya inay ka gudbaan badda Mediterranean-ka si ay u galaan Yurub.