Faahfaahin dheeraad ayaa kasoo baxay dilal ku salaysan aanooyin qabiil oo ka dhacay deegaanka Gadoon oo ka tirsan gobalka Galgaduud ee bartamaha Soomaaliya.
Gudoomiyaha deegaanka Gadoon Cabdi Axmed Yuusuf oo la hadlay idaacadda Risaala ee magaalada Muqdisho ayaa sheegay in ay gacanta kusoo dhigeen kooxihii ka dambeyey dilal qorshaysan oo ka dhacay deegaanka Gadoon.
Cabdi Axmed Yuusuf ayaa sidoo kale sheegay in nin dad ku dilay Gadoon saakay lagu wado in lasoo taago maxkamad ku taala deegaanka Gadoon.
Deegaanka Gadoon oo ku dhow caasimada gobolka Galgaduud Dhuusamareeb ayaa inta badan waxaa ka dhaca dilal ku saabsan aanooyin qabiil.