Idaacadda Risaala ee Magaalada Muqdisho ayaa Maanta deeq raashin ah waxa ay gaarsiisay Boqol qoys oo barakacayaal ah oo kunool kaamka Alhidaaya oo ku yaalla degaanka Garasbaaleey ee duuleedka Magaalada Muqdisho.
Lacagta lagu soo iibiyay Deeqdaas oo lagu soo aruuriyay Wajiga labaad ee barnaamijka (AFURI OO HEL LABA AJAR) ee Bisha Ramadaan oo Galab walba kabaxa idaacada Risaala dhageystayaashana ay uga qayb qaataan qadka taelefanka .
Deeqda raashinka ahayd ayaa Boqolka qoys waxaa loo kala siiyay qoyskiiba Haaf Bariis ah ,Haaf Bur ah, Tobankiilo oo Sokor ah iyo Sadexle Saliid cadeey ah.
Ustaad Cabdiweli Yaxye oo ah daadihiyaha Barnaamijka (AFURI OO HEL LABA AJAR) ee kabaxa idaacadda Risaala ayaa waxa uu markale ugu baaqay dhageystayaasha in ay laba jibaaraan tabarucaada ay u sameeyaan walaalahood danyarta ah,isaga oo u mahad celiyay.
Agaasimaha idaacada Risaala Maxamed Cabdiwahaab Cabdullaahi ayaa waxa uu ka warbixiyay Maanta qoysaska deeqda loo qaybiyay iyo sida loo kala siiyay,waxaana uu u mahad celiyay dhageystayaashi ka qayb qaatay Barnaamijka (AFURI OO HEL LABA AJAR) ee Bisha Ramadaan.
Dhanka kale qaar kamid ah dadkii loo qaybiyay deeqda oo aan la dhexqaadnay makaroofanka Idaacadda Risaala ayaa waxa ay ka hadleen sida ay u arkaan deeqda lagaarsiiyay waxa ayna umahad celiyeen Maamulka Idaacadda Risaala iyo dhageystayaasha kaqayb qaatay afurintooda.
Wajigii koobaad ee Barnaamijka (AFURI OO HEL LABA AJAR) ee ka baxa idaacadda Risaala ee Magaalada Muqdisho ayaa waxaa ka faa’ideystay Boqol Qoys sidoo kale wajiga labaad ee Barnamijka ayaa Maanta waxaa ka faa’iideystay Boqol Qoys ookale oo horleh.
Hoos Ka Dhageyso Warbixin Wariye Cali Xasan kana Daawo Sawirada.
