Erdogan oo sheegay inay Kooxda Daacish tahay khatar ku soo fool leh Caalamka

Madaxweynaha Turkiga, Rajab Dayib Erdogan waxa uu hadalkaasi sheegay Maanta oo Jimco ah, ka hor inta uusan u dhoofin dalal Bosnia Herzegovina iyo Montenegro.

“Weerarkii u dambeeyey ee Kooxda Daacish waxay muujinayaa inay yihiin Khatar ku soo fool leh Caalamka” ayuu yiri Erdoğan oo cambaareeyey weeraradii ay Daacish-ta Afganistan ee ISIS-K shalay ka geysteen agagaarka Garoonka Diyaaradaha ee Kabul.

Madaxweyne Erdogan waxa kale oo uu soo hadal qaaday Codsiga Ururka Daalibaan, isagoo xusay inaysan weli Go’aan Kama-dambays la qaasdanin Codsiga Daalibaan ee Taageerada Garoonka Kabul, sababo walaaca dhanka Ammaanka.

“Kulan qaatay 3 saac iyo Bar ayaa waxaan Daalibaan shalay kula yeelanay Safaaradeena Kabul”ayuu yiri Erdogan, wuxuuna sii raaciyey haddii loo baahdo inay Kulamo kale Daalibaan la yeelan doonaan.

Waxa uu hoosta ka xariiqay inaysan Turkiga codsan doonin Fasax si ay ula hadlaan Daalibaan ama cid kasta.