Kulan looga hadlayay Abaaraha ka jira gobolada dalka Soomaaliya ayaa Maanta lagu qabtay magaalada Muqdisho ee Caasimada Soomaaliya .
Kulanka ayaa waxaa soo qaban qaabiyay Ururada Bulshada Rayid ee Marka magacooda lasoo gaabiyo loo yaqaano SOSCENSA.
Xoghayaha u qareemidda ururka SOSCENSA Mustaf Yaasiin Sheekh oo la hadlay Warbaahinta ayaa sheegay in Abaaro ba’an ay ka jiraan gobolada dalka Soomaaliya.
Dowladda Soomaaliya , Ganacsatada Soomaaliyeed iyo guudahaanba bulshada Soomaaliyeed ayuu ugu baaqay in ay gurmad u fidiyaan dadka ku dhibaateysan gobolada dalka Soomaaliya ee ay saameeyeen Abaaraha.
Ugu dambeyntii Mustaf Yaasiin Sheekh ayaa Warbaahinta u Aqriyay baaq ay soo saareen Ururada Bulshada Rayid ah.
