Ciidamada Booliska Nigeria ee ku jira Howlgalka Midowga Afrika ee AMISOM ayaa sheegay in aysan mushaar qaadan mudo ku dhow hal sano.
Saraakiil ka tirsan ciidankaasi oo la hadlay Warbaahinta ayaa waxa ay sheegeen in ay dhameysteen shaqadoodii loogu tala galay in ay ka qabtaan Soomaaliya , islamarkaana hadda ay ku sugan yihiin Soomaaliya oo ku sugaayaan mushaarkooda.
Ku xigeenka Wakiilka Midowga Afrika AMISOM, Lydia Wanyoto ayaa sheegtay in Saraakiishaan ay heli doonaan mushaaraadka ka maqan , islamarkaana waxa ay u mahadcelisay dowladda Nigeria dadaalkeeda ku aadan Nabadeynta Soomaaliya.
Taliyaha Ciidanka Boliiska Soomaaliya S/Gaas Maxamed Xasan Xaamud ayaa u mahadceliyay Ciidamada Nigeria ee Amisom, isagoo bogaadiyay howlihii adkaa ee ay qabteen muddadii Sanadka ahayd ee ay Dalka joogeen.
