Ciidamada Xoogga Dalka, gaar ahaan Ururka 80-aad gurmadka Qeybta 27aad, Ururka 52-aad Gurmadka Qeybta 27-aad, Ururka 41-aad Guutada 5-aad Qeybta 27-aad oo si wada jir ah isku kaashanaya ayaa howlgallo ka dhan ah Al-Shabaab ka sameeyay deegaanno hoostaga Degmada Buulo-burte ee gobolka Hiiraan.
Ciidanka xoogga Dalka ayaa dagaal xoogan kula galay degaano ku yaal duleedka degmada buulo-Burde, sida degaanka Ceelbacaad iyo degaano kale, waxaana saraakiisha howlgalka hoggaamineysa ay sheegeen inay guulo ka gaareen dagaalka.
Taliyaha Qeybta 27-aad Ciidamada Xooga Dalka Jeneral Axmed Maxamed Calasow Treedisho oo howlgalka hogaaminayay ayaa Warbaahinta u sheegay in howlgalka lagu dilay 31 kamdia ah Al-Shabaab.
Sidoo kale waxaa uu sheegay in howlgalka ay Al-Shabaab uga soo furteen 14-qori oo AK-47 ah 1-qori BKM ah iyo 1-qoriga RPG ah, sidoo kalena ay weli Ciidamada howlgalka ka wadaan degaannada hoostaga degmada Buulo-burde.