Wararka ka imaanaya gobolka Galgaduud ayaa sheegaya in kooxo Maleeshiya Beeleeleed oo hubeysan ay dil iyo dhaawac u geesteen Dad shacab ah oo deganaa tuulo hoostagta degmada Xeraale ee gobolka Galgaduud.
Wararka ayaa sheegaya maleeshiyaadka hubeysan ay weerareen guri kuyaalla tuulada Xananbuure, waxa ayna halkaasi ku dileen aabe iyo wiilkiisa ,halka ay dhaawac gaarsiiyeen hooyadii qoyskaasi.
Maleeshiyada dilka iyo dhaawaca u geestay qoyska shacabka ahaa ayaa la sheegay in ay goobta ka tagay , waxaana qoyskan dilka iyo dhaawac loo geestay la tilmaamay in ay kasoo jeedaan magaalada Degmada Cadaado ee gobolka Galgaduud .
Dilalka la xiira aanooyinka qabiilka ayaa Muddooyinkii dambe ku soo kordhaya deegaannada Galmudug, waxaana xalay oo u dambeysay duleedka magaalada Dhuusomareeb aano qabiil darteed loogu dilay afar nin oo xoolo dhaqato ahaa.
Maamulka Galmudug ayaa la sheegay in ay ku guul dareysteen in ay wax ka qabtaan dilalka salka ku haayana aanooyinka qabiilka ee ka dhacaya degaanada Galmudug.