Maamulka Koofur Galbeed Soomaaliya ayaa goordhaw ku dhawaaqay inuu hakiyay wada shaqeyntii ay la lahayd Dowladda Federaalka, sida lagu sheegay warsaxaafadeed uu akhriyay Afhayeenka dhawaan la magacaabay, Ugaas Xasan.
Dawlad-gobaleedkan ayaa si rasmi ah u sheegay in madaxweyne Xasan Sheekh iyo xukuumadiisa ay ka shaqeynayeen kala qeybsanaanta dalka, tixgalin la’aanta nidaamka Federaalka, iyo abaabulida ficillo amni-darro oo laga sameeyey qaar ka mid ah deegaanada Koofur Galbeed.
Sidoo kale, maamulka Koofur Galbeed ayaa caddeeyay in ilaa laga helayo dawlad u dhaqanta nidaamka Federaalka aysan wax wada shaqeyn ah la yeelan doonin dhinaca Dowladda Federaalka, taasoo muujineysa xiisad sii kordheysa u dhexeysa labada dhinac.
Talaabadana ayaa Sui hurin karta xiisada u dhexeysa labada dhinac ah, iyadoo dhaq dhaqaaqyo xooggan ay ka socdaan deegaanada Koofur galbeed.
Lama oga tallaabada ay qaadi doonto dowladda Soomaaliya.