Karaash oo ku baaqay Midnimo Xilli uu xogeystay Khilaafka kala dhaxeeya Deni

Madaxweyne Ku-Xigeenka Dowladda Puntland Mudane Axmed Cilmi Cismaan (Karaash) ayaa farxada munaasabada ciidul fitriga la wadaagay dhammaan shacabka Soomaaliyeed gaar ahaan shacabka reer Puntland.

Wuxuu sidoo kale madaxweyne ku-xigeenku shacabka reer Puntland Eebe uga baryay inuu ciidan ciideeda inagu gaadhsiiyo dambi dhaaf, caafimaad qab, barwaaqo, amni iyo horumar waara.

“Waxaa dhammaanteen eebe inooga baryayaa inuu ciidan ciideeda inagu gaadhsiiyo farxad, barwaaqo, amni iyo horumar”, ayuu yiri madaxweyne ku-xigeenku.

Ugu dambayn Madaxweyne Ku-xigeenka ayaa ugu baaqay Shacabka Reer Puntland Midnimo iyo Wadajir

“Dhamaan Shacabka reer Puntland waxaan ugu baaqayaa in lagu dadaalo Midnimada iyo Wadajirka,hana loo hogaansamo talooyinka Dhakhaatiirta Caafimaadka”