Muqdisho-RisaalaFM- Idaacadda Risaala ee Muqdisho ayaa maanta afurin u sameysay 200 qof oo ka mid ah dadka danyarta ah, Dadkan la afuriyay ayaa ku nool xerooyin iyo Kaamam ku yaalla Garasbaaleey
Dadka ka faa’ideystay deeqdan afurinta ah ayaa u mahadceliyay Idaacadda Risaala iyo dhammaan dadkii ka qeyb qaatay afurka la gaarsiiyay.
lacagaha afurinta loogu sameeyay dadkan ayaa waxaa bixiyay dhageystayaasha Idaacadda Risaala oo si toos ah ugu qeyb qaadanaayay Barnaamijka Afuri oo hel laba ajar oo galabta kasta ka baxa Idaacadda Risaala.
Qaar ka mid ah dadkii ka faa iideystay deeqdan afurinta ayaa Maamulka Idaacada iyo dadkii ka qeyb galay barnaamijka loogu gurmaday ugu mahad celiyay, waxa ayna dalbadeen in la joogteeyo.
Guddoomiyaha Garasbaaleey C/raxmaan Axmed Cali (Garyare) ayaa ka warbixiyay xaalada ay ku nool yihiin dadka barakacayaasha ah iyo deeqda afurinta ee la gaarsiiyay.
Barnaamijka Afuri oo hel laba ajar ee ka baxa galabta kasta Idaacadda Risaala ayaa ah barnaamij lacago loogu aruuriyo dadka danyarta ah ee aan awoodin iney iska bixiyaan afurka.
