Gudoomiyaha guddiga doorashooyinka oo baaq u diray maamul goboleedyada

Doorashada Xubnaha Aqalka Sare ee Baarlamaanka 11-aad ee Soomaaliya ayaa maanta ka billaabatay magaalada Kismaayo ee Xarunta ku-meel gaarka ah ee maamulka Jubaland.

Afarta Sanatar ee maanta ku guuleystey doorashada ayaa kala ah; Ilyaas Badal Gaboose, Cabdulaahi Sheekh Ismaaciil Fartaag, Cabdirisaaq Maxamed Cusmaan iyo Iftiin Xasan Iimaan Baasto. Jubbaland ayaa dooran doonta maalmaha soo socda afar xubnood oo kale.

Gudoomiyaha Gudiga Doorashada heer federaal Maxamed Xasan Cirro ayaa ka warbixiyay doorashadii maanta ka dhacday magalada Kismaayo iyo sababta keentay in maamulada kale aysan wali u diyaar garoobin qabashada doorashada Baarlamanka Aqalka Sare.

Waxaa uu sheegay in Madaxda kale ee maamulada ay baaq u direen, islamarkaana looga baahan yahay in ay si deg deg ah u soo gudbiyaan.

Waxaa uu sheegay in doorashada xilligii loogu tala galay ay ku dhici doonto si looga hortago inuu yimaado dib u dhac kale.