Buur-hakaba-RisaalaFM- Dagaal xoogan oo khasaare geystay ayaa waxa uu ka dhacay deegaanka Buur-eyle ee gobolka Baay.
Dagaalka ayaa la sheegay in uu u dhaxeeyay ciidamada Koonfur Galbeed iyo ururkka Al-shabaab, waxaana dagaalka uu geystay khasaare soo kala gaaray Labadii dhinac ee halkaasi ku dagaalamay.
Dagaalka ayaa yimid kadib markii ciidamada Koonfur Galbeed ay howlgallo ka wadeen maalmahandeegaano hoostaga degmada Buur-hakaba ee gobolka Baay.
Gudoomiyaha degmada Buur-hakaba Maxamed Nuur Cabdi oo la hadlay Idaacadda Risaala ayaa waxa uu ka hadlay dagaalka iyo khasaaraha ka dhashay.
Dhinaca kale Gudoomiyaha degmada Buur-hakaba Maxamed Nuur Cabdi oo hadalkiisa sii wata ayaa sheegay in ay sii wadi doonaan howlgallada si Al-shabaab looga saaro deegaanada ay kaga sugan yihiin degmada Buur-hakaba.
Ciidamada Koonfur Galbeed oo garab ka helaya kuwa AMISOM ayaa maalmahan waxa ay howlgallo ka wadaan gobolada Baay iyo Bakool, iyagoo mararka dagaalo kala kulma Al-shabaab.