Ciidamada Dowladda Federaalka Soomaaliya ee dhawaanahaan la geeyey gudaha Suuqa Bakaaraha ayaa aroornimadii saakay gacanta ku soo dhigay dabley hubeysan oo dhac ka geysaneysay suuqaasi sida Idaacadda Risaala ay wararka ku heleyso.
Dableydaan oo lagu sheegay in ay gaareyeen ilaa iyo Saddex ruux ayaa labbo ka mid ah ciidamadda amaanku gacanta ku dhigeen halka sida la sheegey weli la baadi goobayo midka Saddexaa waxaana ay wateen mooto Bajaaj oo ay u adeegsanayeyn gaadiid ahaan.
Mid kamid ah labbada dabley ee la soo qabtay ayaa lagu dhaawacay howlgalka lagu soo qabanaayey sida ay sheegeyn goobjoogayaal.
Idaacadda Risaala ayaa wararka ku heleysa dableyda lasoo qabtay in ay dhac horey usoo geysteyn ka hor intaan la soo qabaan waxaana durbadiiba goobta soo gaaray dad sheeganaayo in moobeeladooda ay dableydaan ka soo dhaceen.