Shirkadda UK ee Ammaanka Baddaha ee loo soo gaabiyo AMBREY ayaa sheegtay in Markabkaasi uu ku sii jeeday Dekedda magaalladda Jeddah ee dalka Sacuudiga.
Markabkaasi oo uu ka dul-babanayey Calanka Malta waxaa lagu weeraray meel qiyaastii 54 nautical miles dhanka W/Galbeed kaga toosan Dekedda magaallada Mokha ee dalka Yemen.
Dhanka kale, Hay’adda UK ugu qaabilsan Hawlgallada Ganacsiga Baddaha (The United Kingdom Maritime Trade Operations (UKMTO) waxay tilmaamtay in 3 Gantaal lala beegsaday Markabkaasi oo waxyeelo geystay.
UKMTO waxay xustay in Gantaalka Koowaad uu ku dhacay meel ku dhow Markabka, halka 2 kalena ay ku dhaceen Markabka, lana soo weriyey Khasaaro soo gaaray markabkaasi.
Kooxda Xuutiyiinta Yemen ayaa sheegtay inay ka dambeeyeen Weerarkaasi, waxayna ku eedeeyeen Markabkaasi inuu gacansaar la leeyahay Israel.