Madaxweynaha Dowlad Goboleedka Hirshabeelle Cali Guudlaawe Xuseen ayaa xilkii Guddoomiyenimo iyo xubinimada Gudiga Hirgalinta Doorashada Hirshabeelle ka qaaday Axmed Xasan Diini.
Qoraal kasoo baxay Xafiiska Madaxweynaha Hir-Shabeelle ayaa waxaa Xubinimada Gudiga loogu soo daray Maxamed Xuseen Maxamed ( Waadi ), waxaana sababaha xilka qaadista Guddoomiyihii guddiga doorashooyinka Hir-Shabeelle lagu sheegay.
Markuu arkay xagal daacinta iyo Hufnaan la’aanta shaqo ee Guddoomiyaha gudiga hirgelinta Doorashooyinka Hirshabeelle.
Markuu arkay:
Hab dhaqanka aan waafaqsaneeyn nidaamka dowliga ah ee uu sameeyay Guddoomiyaha gudiga Hirgelinta Doorashooyinka Hirshabeelle
Markuu arkay:.
In Guddoomiyaha Guddiga doorashada Hirshabeelle uu ka leexday habsami u socodka iyo habraacyada doorashada 2020/2022.
Markuu tixgelyay:
Soo jeedinta Xubnaha Guddiga Hirgelinta Doorashooyinka Hirshabeelle
Markuu xaqiiqsaday: In gudoomiyaha khatar galiyay amniga xubnaha guddiga
iyo badqabka goobta doorashada ay sababta xilka qaadista.
Xilka qaadista Guddoomiyihii Guddiga doorashoyinka Hir-Shabeelle Axmed Xasan Diini ayaa daba socotay kadib markii Guddiga ay soo saareen Guddiga xulista Ergada kursiga Hop#135 oo ay ku fadhiso Aamino Maxamed, kuwaas oo la sheegay inay ahaayeen kuwo aan sax aheyn.
