Kooxda Barcelona oo weyn doonta Ciyaaryahan muhiim ah

Barcelona ayaa u baahnaan doonta inay qaar kamida xiddigaha kooxdeeda iska dirto si ay maalgelin dhaqaale ugu hesho heshiiska riyada ee ay ku dooneyso inay Neymar dib ugu soo celiso kooxdeeda.

Mid kamida xiddigahaas ayaa ah Philippe Coutinho kaas oo 18 bilood kahor kaga soo biiray dhinaca kooxda Liverpool balse ay ku adkaatay inuu helo qaab ciyaareedkiisii ugu wacnaa ee uu ku qancin lahaa kooxdaas.

Manchester United ayaa lagu sheegay koox mudo dheer xiiso usoo haysay Coutinho halka kooxdiisii hore ee Liverpool iyo Paris Saint-Germain ay yihiin kuwo xaaladiisa dusha kala socda.

Wargeyska Express Sport, ayaa daabacay in ciyaaryahan Philippe doonayn inuu uwareego Man United sababtuna ay tahay inuu wali daacad u yahay kooxdii uu hore ugu soo ciyaaray ee Liverpool oo ay United xifaaltmaan.