Saacadihii ugu dambeeyay Magaalada Beledweyne ee xarunta Gobolka Hiiraan ayaa waxaa ka dhacay kulamo ay isugu yimaadeen Mas’uuliyiin ka tirsan Maamulka Hirshabeelle oo uu hogaaminayay Madaxweynaha Hirshabeelle Cali C/laahi Cosoble iyo waliba qaar ka mid ah Bulshada oo uu horkacayay Ugaas Xasn Ugaas Khaliif.
Kulamadan ayaa waxaa looga hadlayay sida Maamulkka Hirshabeelle iyo waliba Bulshada Gobolka Hiiraan ay u wada shaqeyn karaan.
Gudoomiye ku xigenka dhinaca arrimaha bulshada Gobolka Hiiraan Sheekh Xuseen Cismaan Cali oo la hadlay Idaacadda Risaala ayaa sheegay in kulamadan ay yihiin kuwo la isku afgartay.