Ciidanka Kumaandooska DANAB iyo Ciidanka Gorgor ee xoogga dalka Soomaaliyeed ayaa Maanta howlgallo ka dhan ah Uturka Al-Shabaab waxaa ay ka sameeyeen degaano hoostaga degmada Galcad ee Gobolka Galgaduud.
Ciidamada wadajirka ah ayaa sigaar ah howlgalka uga fuliyay degaannada kala ah Cali Cameey & Ontorey oo hoostaga Degmada galacad, halkaas oo la sheegay inay ku xooganaayeen Al-Shabaab.
Saraakiisha howlgalka hoggaamineysa ayaa sheegay in ay sii laba jibaareen howlgallada kasoconaya dhulka hoowdka si looga hortago weerarada ay Al-Shabaab ka soo qaadaan.
Degaannada howlgallada ay ka sameeyeen Ciidamada DANAB iyo kuwa Gorgor waxaa shalay gelinkii dambe ka dhacay dagaal xoogan, waxaana Maanta ka socda howlgallo amniga lagu xaqiijinayo.