Saacadihii la soo dhaafay Ciidamada xoogga dalka Soomaaliya oo kaashanaya kuwa daraawiishta Galmudug iyo dadka degaanka ayaa howlgallo ka sameeyay degaano katirsan Gobolka Mudug oo ay ku sugnaayeen Al-Shabaab.
Saraakiisha howlgallada hoggaaminayay ayaa sheegay in dagaalo kooban oo ay la galeen Al-Shabaab ay la wareegeen degaannada, Geycad, Buulo-Sabuur iyo Xaarxaarka, halkaas oo tobanaankii sano ee la soo dhaafay ay gacanta ku hayeen Al-Shabaab.
Saraakiisha Ciidamada Daraawiishta Galmudug iyo kuwa degaanka oo Warbaahinta la hadlay ayaa sheegay inay burburiyeen Saldhigyadii Al-Shabaab, isla markaana ay ku raadjoogaan Al-Shabaabkii isaga baxay degaannada ay la wareegeen.
Waxaa ay sheegeen inay sii wadi doonaan howlgallada ka dhanka ah Al-Shabaab ee laga fulinayo degaannada iyo degmooyinka Galmudug si guud ahaan looga saaro Ururka Al-Shabaab.
Tan iyo markii Ciidamada dowladda Soomaaliya kuwa daraawiishta Galmudug iyo dadka degaanka ay howlgalalda bilaabeen ayaa waxaa ay Al-Shabaab kala wareegeen degaano dhowr ah oo katirsan Gobolka Mudug.