Madaxweynaha Dowlad Goboleedka Jubbaland ee Soomaaliya Mudane Axmed Maxamed islaam ayaa manta kulankii ugu danbeeyay Kismaayo kula yeeshay Safiirka Dowlada Ingiriiska u joogtay Soomaaliya Harriet Mathews oo wakhtigii Safiirnimo uu u dhamaaday.
Kulankan oo ahaa kala warqaadasho iyo is macasalaamayn ayaa waxaa Madaxweynaha iyo Safiirku ay ka wada hadleen Arimaha nabad galyada guud ahaan Soomaaliya iyo gaar ahaan hawlgalka Wabiga Jubba oo qorshahiisu uu socda waxaana Harriet Mathews ay sheegtay in Dowlada UK ay diyaar u tahay in ay gacan ka gaysato hawlgalkaas isla markana ay tageerayaan Ciidamada Jubbaland.
Arimaha Doorashooyinka ayay Safiirka Ingiriiska ee Soomaaliya sheegtay in ay aad ula dhaceen sidii habsamida lahayd ee Xildhibaanada Cusub loogu doortay Kismaayo iyadoo Jubbaland ka codsatay in ay sii wadaan doorkooda la xiriira habsami u socodka Doorashooyinka.
Madaxweynaha Jubbaland ayaa Dowlada Uk uga mahad Celiyay kaalmada ay la garab taagan tahay Soomaaliya gaar ahaan Jubbaland iyo dadaalkooda xasilinta Nabadgalyada ee ay ka wadaan Soomaaliya iyo tageerada kale ee ay dadka Soomaaliyeed la garab taagan yihiin.
Madaxweyne Axmed Maxamed Islaam wuxuu xusay in mudadii Harriet Mathews ay ka shaqaynaysay Soomaaliya ay qabatay shaqo badan oo Muhiim u ah Soomaalida isla markana ay gacan ka gaysatay Hormarka Siyaasada Soomaaliya .
