Militariga Sudan oo taageeray Sacuudiga

Ciidanka millatari  dalka Sudan ayaa shaaciyay in ay taageeri doonaan dalka Sacuudiga, haddii ay khatar kaga timaado dalka Iran oo ay Sacuudiga hadda ku xafiiltamayaan siyaasadda Bariga Dhexe.

Kaddib kulan maanta magaalada Riyadh uu kula yeeshay dhaxal-sugaha boqortooyada Sacuudiga Maxamed Bin Salman, ayuu General Mohamed Hamdan Dagalo, oo ah ku xigeenka taliska milatariga ee talada Sudan haya, sheegay in Sudan ay isgarab taagi doonto Sacuudi Caraibya, haddii ay weeraro ama khatar kasoo wajahahaan Iran ama maleeshiyaadka xuutiyiinta Yemen.

Waxaa uu  ballan-qaaday in ciidanka milatariga Sudan uu kasii qeyb ahaan doono dagaalka ay Isbaheysiga uu Sacuudiga hogaamiyo ka wadaan Yemen, kaas oo ay ku rabaan in ay xiddidada ugu siibaan maleeshiyaadka Xuutiyiinta Yemen ee taageerada ka hela Iran.

Waa markii ugu  horreysay oo ay ka hadlaan siyaasaddooda dibadda, tan iyo marki ay xakunka ka tuureen, madaxweynihi hore ee dalkaasi general Omar al-Bashir bishii aanu kasoo gudubnay.