Madaxweynaha maamulka Puntland Cabdiwali Maxamed Cali Gaas ayaa maanta lagu wadaa in xildhibaanada baarlamaanka Puntland ay su’aalo ka weydiiyaan xaaladaha kala duwan ee deegaanada maamulka Puntland.
Arimaha Madaxweynaha wax laga weydiin doono waxaa ka mid ah xiisada ka dhex jirta waxgaradka Puntland ee ku aadan ergooyinka dooranaya xildhibaanada Aqalka Hoose, dagaalka Magaalada Gaalkacyo , Qabsashada kooxda Daacish magaalada Qandala.
Madaxweynaha maamulka Puntland ayaa sidoo kale lagu wadaa in uu furo kala fadhiga mudanayaasha baarlamaanka maamulka Puntland oo bilooyinkii lasoo dhaafay hakad ku jiray.
Xildhibaanada baarlamaanka maamulka Puntland ayaa Madaxweynaha horay ugu eedeeyay in uu jabiyay dastuurka maamulka Puntland.
25-kii bishan October ay ahayd Markii Madaxweyne ku xigeenka Puntland uu isku dayay in uu furo kalfadhiga baarlamaanka laakiin Mudanayaashu ay diideen in uu Madaxweyne kuxigeenku furo kalfadhiga ayna sheegeen in ay u baahan yihiin Madaxweyne Gaas.