Messi ayaa dhaliyay seddexleey kulankii ay Barcelona 4-0 kaga badiyeen kooxda reer Holland ee PSV, halka Liverpool waqtigii dheeriga ah ee lagu daray ciyaarta 3-2 kaga badisay Paris
Inter ayaa dhalisay labo gool xilli dambe, waxaana ay 2-1 ku garaacday kooxda Tottenham
Sidookale kooxaha Atlético, Dortmund iyo Galatasaray ayaa guulo ku bilowday kulamadoodii tartanka Champions League xili ciyaareedkaan.
GROUP A
Monaco 1-2 Atlético Madrid
Samuel Grandsir ayaa u dhaliyay Monaco, iyadoo Diego Costa iyo José María Giménez ay si dhaqso ah laba gool ugu jawaabeen, taasoo keentay inay Atlético Madrid soo hesho guul marti ah.
Brugge 0-1 Dortmund
Ciyaaru waxay u muuqatay inay ku dhammaatay barbaro, laakiin Christian Pulišić oo kasoo kacay kursiga keydka ayaa dhaliyay goolka guusha ee kooxdiisa.
GROUP B
Inter 2-1 Tottenham
Christian Eriksen ayaa u muuqday mid guul ku hogaamin karay kooxdiisa, laakiin Mauro Icardi iyo Matías Vecino ayaa u dhaliyay Inter Milan laba gool daqiiqadihii ugu dambeeyay ciyaarta.
Barcelona 4-0 PSV
Lionel Messi ayaa dhaliyay seddexleydiisii ugu horeysay xili ciyaareedkaan, isagoo ka caawiyay kooxdiisa guul 4-0 aheyd oo ay ka gaareen PSV.
qeybtii labaad ee ciyaarta daafaca Barcelona Samuel Umtiti ayaa qaatay casaan kadib markii loo taagay jaalihiisii labaad.
GROUP C
Liverpool 3-2 Paris
Liverpool ayaa 2-0 ku hogaamisay Paris, oo ugu dambeyn soo celisay barbaro markii Thomas Meunier iyo Kylian Mbappé dhaliyeen laba gool.
Liverpool ma aysan niyad jabin, waxaana goolka guusha u dhaliyay Roberto Firmino oo bedel kusoo galay ciyaarta.
Crvena Zvezda 0-0 Napoli
Ciyaartii ugu horeysay wareega group-yada Chanpions League isagoo tababare kooxda Napoli ah Carlo Ancelotti waxay ku dhamaatay barbaro goolal la’aan ah.
GROUP D
Schalke 1-1 Porto
Gool Emelo qeybtii dambe ee ciyaarta u dhaliyay kooxda Schalke ayaa keenay inay barbaro gurigooda kula galaan kooxda FC Porto ee dalka Portugal.
Galatasaray 3-0 Lokomotiv Moskva
Garry Rodrigues, Eren Derdiyok iyo Selçuk Inan ayaa ugu dambeyntii guul weyn ku hogaamiyay kooxda Galatasaray ee ka dhisan dalka Turky.