Barcelona ayaa qarka u saaran inay u dhaqaaqdo saxiixa xiddiga garabka uga ciyaara Leeds iyo Brazil ee Raphinha, laakiin kooxda Ingariiska ayaan weli helin dalab rasmi ah, waxayna dooneysaa dammaanad qaadka in lacagta lagu bixin doono waqtigii loogu talagalay.
Blaugrana ayaa diyaarinaysa dalab la rumeysan yahay inuu yahay 55 milyan oo Yuuro oo lagu daray 20 milyan oo dheeri ah oo waxqabadka xiddiga la xiriira.
Kooxda Ingariiska ayaa si fiican uga warqabta dhibaatooyinka dhaqaale ee Barcelona, sidaas darteed taxadarkeeddu wuu badnaan doonaa sida Lasheegay, waxayna doonayaan inay helaan dammaanad ah in kooxdu ay ku soo bixi karto jadwalka saxda ah ee La qabsaday
Blaugrana ayaa wali ka xaajoonaysa iibinta boqolkiiba 15 xuquuqdooda taleefishinka, iyadoo Dhanka kale, Raphinha ku suganyahay London, isagoo sugaya labada kooxood inay heshiis gaaraan. Xiisaha xoogan ee isaga uga imaanaya labada kooxood ee Barcelona iyo Chelsea awgeed, ciyaaryahanka ayaan la safrin inta kale ee kooxda Leeds safarkoodii xilli ciyaareedka cusub ee Australia.
Raphinha, oo 25 jir ah, ayaa xirfadiisa ka bilaabay Avai ee Brazil, ka hor inta uusan u dhaqaaqin Yurub isagoo 19 jir ah si uu ugu biiro Vitoria Guimaraes. Wuxuu u sii ciyaaray Sporting CP iyo Rennes ka hor inta uusan ku biirin Leeds 2015.
Xilli ciyaareedkii hore, xiddiga garabka ka ciyaara ayaa dhaliyay 11 gool 35 kulan oo Premier League ah. Waxa uu sidoo kale sagaal kulan u saftay Brazil, oo uu seddex jeer u dhaliyay.
Ismaaciil saxafi