Saraakiil u hadashay ciidamada booliska dalka Kenya ayaa sii daayay warbixin ay ku sheegayaan in Alshabaab ay askar ahaan u qortaan dadka laga tirada badan yahay ee ku sugan magaalada Mombasa.
Warbixintan ayaa la shaaciyay markii ciidamada Kenya gacanta ku dhigeen afar dhalinyaro ah oo Al-shabaab ay kasoo qorteen askar ahaan magaalada Gaarisa kuwaasi oo isla magaalada lagu xiray todobaadyo ka hor.
Sida uu daabacay wargeyska the Star ee kasoo baxa dalka Kenya dhalinyarada Al-shabaab ay ka qortaan waqooyi bari Kenya ayaa lagu sheegay iney da’dooda u dhaxeyso seddex sano ilaa 15 sano jir.
Kenya ayaa dagaal adag kula jirta Al-shabaab, maadaama Alshabaab marar badan weeraro dhimasho sababay ka geysteen gudaha dalka Kenya.
Waxaana la aamisan yahay in Al-shabaab-ka ugu badan ee ku sugan gudaha dalka Kenya ay ku dhuumaaleystaan Keymaha Boni loo yaqaan oo ciidamada Kenya marar badan ay weeraro ka geysteen.