Diyaarad Rakaab ah oo ku burburtay Pakistaan

Diyaarada ay leedahay shirkadda diyaaradaha caalamiga ah ee Pakistaan ayaa ku burburtay magaalada Karachi, sida ay sheegeen saraakiisha laanta hawada ee dalkaas.

Diyaaradda ayaa kasoo dhaqaaqday magaalada Lahore.

Waxaana lagu soo warramaya diyaaradda burburtay inay la socdeen rakaab gaaraya 99, waxay ku wajahneyd garoonka diyaaradaaha mashquulka badan ee Jinnah.

Sawirro lagu baahiyay baraha bulshada ayaa muujinayaa qiiq iyo uuro madow oo ka kacay goobta uu shilka ka dhacay, waxaana halkaas gaaray shaqaalaha gurmadka deg degga.