Saxafiyiin ka kala yimid Xarumaha Warbaahineed ee Gobolada Dalka iyo Muqdisho ayaa Maanta Tababar ugu furmay Magaalada Muqdisho.
Tababarka ayaa waxaa soo qaban qaabiyay Hay’addaha IMS/FOJO, waxa uuna socon doonaa 4-Maalmood.
Tababarkaan ayaa waxaa Saxafiyiinta ka qeyb galaya lagu bari doonaa habka Wanaagsan ee tabinta doorashada, wariyaasha ayaa ka kala yimid gobalada dalka Soomaaliya .
Furitaanka Tababarka waxaa ka qeyb galay Masuuliyiin ka socday Wasaarada Warfaafinta Soomaaliya, Hay’adda Warbaahinta SOMA, Ururka Saxafiyiinta Gabdhaha Soomaaliyeed, Tababarayaal Saxaafadeed iyo Marti Sharaf kale.
Xiriiriyaha Hay’addaha IMS/FOJO Abuukar Al-badri ayaa sheegay in Tababarkan uu ka mid yahay tababaro ay ugu tala galeen in Saxafiyiinta Soomaaliya aqoontooda kor loogu qaado.
Agaasimaha Idaacada Risaala Maxamed C/wahaab C/llaahi ahna Guddoomiye ku Xigeenka Hay’adda Warbaahinta SOMA ayaa sheegay in Hay’ada SOMA iyo Hay’addaha IMS/FOJO uu Xiriir wanaagsan kala dhaxeeyo.
Waxa uu sidoo kale ugu baaqay Saxafiyiinta ka qeyb galeysa Tababarka iney ka faa’iideystaa Casharada la siinayo.
Sidoo kale Waxaa furitaanka Tababarka ka hadlay C/raxmaan Yuusuf Al Cadaala Agaasimaha Wakaalada Wararka Soomaaliyeed ee SONNA.
Markii uu Tababarkan soo gabagaboobo ayaa Waxaa lagu Wadaa in Wariyaashii ka qeyb galay la siiyo Shahaadooyin iyo Buugaag u noqon doono Hage sida uu sheegay Xiriiriyaha Barnaamijkan.
