Saraakiisha Maamulka Jubbaland ayaa Faahfaahin ka bixiyay dagaal Maanta ka dhacay degaano ku yaalla Galbeedka Magaalada Kismaayo ee xarunta KMG ah ee Maamulka Jubbaland.
Dagaalka ayaa u dhaxeeyay ciidanka dowladda Soomaaliya iyo dadka degaanadaasi oo isku dhinac ah iyo Al-Shabaab.
Afhayeenka Laamaha Amniga Maamulka Jubbaland Axmed Maxamed Maxamuud Carab oo la hadlay VOA ayaa sheegay in ciidanka Maamulka Jubbaland iyo Al-Shabaab ay Maanta ku dagaalameen degaanka Beerxaan oo Kismaayo u jira 60 KM .
Afhayeenka ayaa xusay in ay u gurmadeen dadka Xoolaha dhaqata ah ee Al-Shabaab ay ku dagaalamayaan degaanada ku yaalla Galbeedka Magaalada Kismaayo.
Waxaa uu xusay in ay Al-Shabaab ay kala wareegeen degaanada Janaa Cabdalle , Beerxaano iyo sidoo kale degaanka Sooyo .
Afhayeenka laamaha amniga ee Maamulka Jubbaland ayaa sidoo kale Hoosta ka xariiqay in ay dileen 3 dagaalame oo ka tirsan Al-Shabaab 4 kalena ay dhaawaceen.