Wararka naga soo gaaraya degmada Balanbal ee gobolka Galgaduud ayaa waxaa ay sheegayaan in halkaasi ay yimaadeen ciidamo ka tirsan ciidanka Liyuu Boolis ee dowlad degaanka Soomaalida ee dalka Itoobiya , waxaana la sheegaya in ay wataan Gadiid dagaal.
Ciidamada Liyuu Boolis ayaa la sheegay in wataan labo Gaari oo dagaal , islamarkaana ay dhibaato ku hayaan bulshada kunool degmada Balanbal.
Gudoomiyaha degmada Balanbale ee gobolka Galgaduud Jaamac Xayle Maxamuud ayaa u sheegay Risaala in ciidanka Liyuu Boolis ay Fariisin ka sameysteen duleedka Magaalada.
Gudoomiyaha ayaa sheegay in ciidanka aysan kusoo wargelin maamulka sababta ay u yimaadeen degmada.
Ciidamada Liyuu Boolis ayaa inta badan waxaa lagu eedeeyaa in ay dhibaato u geystaan dadka reer miyiga ah ee kunool gobolka Galgaduud.