Ciidamo ka tirsan dowladda Soomaaliya ayaa gudaha u galay xarunta Jaamacadda Plasma ee degmada Hodan ee gobolka Banaadir.
Ciidamadaan oo ah kuwa ay tababartay dowladda Imaaraadka Carabta ayaa gudaha u galay xarunta Jaamacadda , waxaana la sheegay in ay kala soo baxeen labo arday.
Qaar ka mid ah ardayda Jaamacadda ayaa Risaala u sheegay in ciidamada ay u sheegeen in ay goobayaan dad gaar ah, islamarkaana ay isdejiyaan.
Sidoo kale goobta ayaa waxaa soo gaaray ciidamo ka tirsan Nabad suggidda , kuwaasoo dhankooda bilaabay baaritaano.
Ilaa iyo hadda wax faahfaahin ah Hay’adda Amniga kama bixin ardaydaasi laga soo qabtay Gudaha Jaamacadda.