Muqdisho-RisaalaFM- Magaalada Muqdisho waxaa maanta dhacday Doorashada xubnaha xildhibaanada Aqalka Hoose ee ka imaanaya Degaanada Gobolada Waqooyi.
Doorashadan ayaa waxa ay aheyd mid aad u xiiso badan, maadaama kuraasta qaar ay ku tartamayeen xubno caan ah iyo siyaasiyiin.
Xubnaha maanta lagu doortay Xarunta Gaadiidka Booliska ee Magaalada Muqdisho ayaa waxa ay ahaayeen ilaa 4 Mudane, maadaama ay horey u sheegeen Guddiga Doorashooyinka in maanta la dooran doono 4 xildhibaan.
Xubnaha maanta la doortay waxaa ka mid ahaa Wasiirkii hore ee Gaashaandhiga Somaliya Xuseen Carab Ciise oo mar kale nasiib u yeeshay inuu ka mid noqdo Xildhibaanada cusub ee Somaliya.
Xildhibaanada la soo doortay ayaa kala ah Biixi Imaan Cige, Cabdirisaq Dahir Mohamud, Sicid Mohamed Mohamud iyo Xuseen Carab Ciise.
