Wararka ka imaanaya gobolka shabeelada Dhexe ayaa sheegay in Xubno ka tirsan Alshabaab ay saacado kooban ay la wareegeen gacan ku heynta Ciid Ciidka Jembilow ee gobolka shabeelada Dhexe la dibna isaga baxay.
Wararka ayaa sheegaya xubnaha Alshabaab ee tagay Ciidka Ciidka Jembilow oo saacado halkaas ku sugnaa ay gubeem dhuxul ka dibna halkaas ay isaga bexeen.
Deegaanada ay gaareen Al-Shabaab ayaa waxaa kamid ah Cali Fooldheere iyo Ciid-ciidka oo ku yaalla Dhinaca jiinka webiga shabeelle ee gobolka shabeelada Dhexe , halkaas oo horay looga saaray.
Ujeedka Alshabaab ay ku doonayaan in ay dib ula wareegaan gacan ku heynta Ciidka iyo degaanno kale ee hoostaga degmada mahdaay ee gobolka shabeelada Dhexe ayaa ah sida la sheegay in ay kala gooyaan waddada dheer ee isku xirta gobollada Hiiraan iyo Shabeela Dhexe ee maamulka HirShabelle.
Xaalada ayaa haatan degan waxaana ku sugan goobihii ay ka bexeen ciidamo ka tirsan Boolis militaaro kuwaas oo sugaya sida la sheegay Amniga degaanno hoostaga degmada Mahdaay ee gobolka shabeelada Dhexe.