Wararka naga soo gaaraya degmada Torotooro ee gobolka Shabeellaha Hoose ayaa sheegaya in ururka Al-shabaab ay bandow kusoo rogeen magaaladaas.
Wararka ayaa sheegaya in ciidanka Maraykanka ay dileen saraakiil ka tirsan Al-shabaab oo aan magacooda la shaacin.
Komaandooska Maraykanka iyo ciidanka xoogga dalka Soomaaliyeed ayaa la sheegay in ay diyaarad ugu degteen degmada Torotoorow ka dib ay lug kusoo aaday dhanka magaalada oo la sheegay in ay joogaan hogaamiyaal sar sare oo ka tirsan ururka Al-Shabaab.
Wararka qaar ayaa sheegay in xalay ciidamado ka tirsan kumaandooska Maraykanka ay ka daateen diyaarad dagaal ,islamarkaana halkaas uu isku horimaad uu ku dhex maray dagaal yahano ka tirsan Xarakada Al Shabaab iyo kumaandooska Maraykanka.
Warbaahinta Al-Shabaab ayaa lagu baahiyey in ciidamo Maraykan ay diyaarad ugu soo degteen meel 6 km u jirta degmada Torotoorow ka dibna ay dagaal kala hortageen.
Ma jiro wax war oo kasoo baxay dowladda Maraykanka iyo dowladda Soomaaliya oo ku aadan weerarkaan Al-shabaab ay sheegayaan in ay fashiliyeen.