Guddoomiyaha Baarlamaanka Dowlad goboleedka Puntland Cabdirashiid Yuusuf Jibriil, ayaa xalay Xildhibaannada Baarlamaanka Maamulkaas waxaa uu la wadaagay Ajandihii uu xilka ku waayey Guddoomiyihii hore ee Cabdi Xakiin Dhoobo-daareed.
Kal-fadhiga Baarlamaanka Puntland ayaa la shaaciyay in uu furmayo bartamaha Bisha June,iyada oo ajandihiisa uu kamid yahay la-xisaabtanka xukuumadda iyo Dib-u-eegista heshiishyadii hore qodobadaas oo halis ku noqon kara guddoomiyaha.
Qodobada ugu waweyn ee Ajanaha Kal-fadhiga Baarlamaanka Puntland ayaa waxaa kamid ah.
1:Soo gudbinta wixii heshiisyo ah oo ay gashay Xukuumadda Puntland.
2: la xisaabtanka Xukuumadda uu hoggaamiyo Madaxweyne Saciid Cabdullaahi Deni.
3: dhameystirka iyo ansixinta Maxkamadda Dastuuriga ah.
4: Ansixinta mas’uuliyiinta u baahan xasaanad siinta Golaha Wakiilada.
5: Dhaqangelinta qodobadii kasoo baxay Shirkii wadatashiga Puntland.