Willian oo ka caawiyay Chelsea inay guul muhiim ah New Castle ka helaan

Chelsea ayaa 2-1 guusha kaga qaadatay New Castle kulan ka tirsanaa EPL oo uu go’aamiyay Willian.

Blues oo hogaanka u qabatay ciyaarta ayaa gool ka heshay xidigeeda Pedro daqiiqaddii 9-aad kadib caawin uu ka helay David Luiz.

Balse Neswcastle oo aan isdhigan ayaa goolka barbaraha heshay daqiiqaddii 40-aad, kadib gool uu u ansixiyay laacibkeeda C.Clark.

Kulanka ayaana qabtiisa hore lagu kala nastay 1-1 oo ay labada kooxoodba isku garba dhaceen.

Qaybta labaad cayaarta Chelsea ayaa weerarkeeda sii wadatay waxaana hogaanka u dhiibay Willian daqiiqadii 57-aad wuxuuna dhaliyay Brazilian-kan gool aad u qurux badan.

Blues ayaa ugu dambeynii 2-1 guusha ku qaadatay waxayna Sarri u ahayd guul qaali ah ayagoo lix dhibcood ka sare mareen Arsenal oo booska 5-aad fadhiso.

Sidoo kale Blues waxay hal dhibic u jiraan Spurs oo kaalinta 3-aad ku jirto lana cayaari doonto Man United habeen dambe.