Ciidammada sirdoonka South Sudan ayaa waxa ay gacanta ku dhigeen 22 qof oo isugu jira Soomaali tahriib aheyd iyo kuwii tahriibinayay.
Dadkan oo laba ka mid ah ay u dhasheen South Sudan ayaa lagu qabtay Magaalada Juba ee caasimadda waddankaasi xilli ay isu diyaarinayeen safar ay ku aadi lahaayeen waqooyiga Afrika.
Safiirka Soomaaliya u fadhiya Jubba, Xuseen Xaaji Axmed oo la hadlay BBC-da ayaa sheegay in ay dowladda Koonfurta Sudaan ay dadkaasi xirtay .
Safiirka ayaa xaqiijiyay dadka la xiray in ay ku jiraan Caruur iyo haween.
South Sudan oo maalmahan dambe marin cusub u noqotay dadka tahriibaya ayaa sirdoonkoodu waxa uu sheegayaa inay dhaqangalinayaan tallaabooyin ay arrimahaa ku xadidayaan.