Wararka ka imaanaya gobolka shabeelada Dhexe ayaa sheegaya in tuulada Caruure ee hoostagta deegaanka Xaaji Cali ee gobolka Shabeelaha Dhaxe lagu dilay Lx/le Cabdulqadir Maxamed Xaashi (Juuqlaawe) oo ahaa taliyaha ururka ciidanka darawiishta ee booliiska gobolka Shabeelaha Dhexe.
Sargaalkan la dilay ayaa kamid ahaa saraakiil iyo ciidamo loo diray in ay kala dhax galaan ayna damiyaan Colaada u dhexeysa laba beelood oo walaalo ah oo wada dega gobolka Shabeelaha Dhaxe, kuwaa soo maalmihii lasoo dhaafay colaad u dhaxeysay.
Sarkaal dhintay ayaa la sheegay in dhaawac uu ka soo gaaray iska hor imaad ka dhacay Tuulada caruure islamarkaana isaga oo dhaawac ah uu ku geeriyooday degaanka Caaji Cali ee gobolka shabeelada Dhexe.
Taliye kuxigeenka ciidanka booliiska Soomaaliya Jeneraal Sakiya Xuseen ayaa sheegtay in saakay la dilay taliye Cabduqaadir Juuqlaawe, waxa ay sheegtay in taliyaha la dilay xilli uu ku howlanaa kala celinta labo beelood oo dagaal colaad oo u dagaal dkexmaray .