Hay’adda Horumarinta Caalamiga ah ee Maraykanka USAID ayaa kaalmo dhan $257 million oo doollar ugu yaboohday Soomaaliya si wax looga qabto adeegyada aasaasiga ah, cuntada iyo beeraha.
Waxay sheegtay ujeedada lacagtan ay u bixineyso in ay tahay sidii ay u caawin laheyd malaayiin qof oo dhibaatooyin badan ay ku heystaan Soomaaliya.
“Lacagta dheeraadka ah waxay keenaysaa kaalmada bini’aadanimo ee Mareykanka ilaa $ 2.5 milyan oo ku dhibaateysan Soomaaliya in lagu taageero” Ayaa lagu yiri warka Hay’adda Mareykanka ee Horumarinta Caalamiga ah.
Diana Putman, oo ah kuxigeenka Kaaliyaha Maamulaha Afrika ee Wakaaladda Horumarinta Caalamiga ah (USAID), ayaa ku dhawaaqday in Dowladda Mareykanka ay siineyso ku dhawaad $ 257 milyan oo ah gargaar bini’aadannimo oo dheeri ah Sanadkaan Soomaaliya.
Mareykanka waa deeq bixiyaha ugu weyn ee gargaarka bini’aadanimo ee ka jira Soomaaliya, waxaana lacagtaan ay qeyb ka tahay lacago horay loogu deeqay Soomaaliya.