Madaxweynaha dowlad goboleedka Jubbaland, Axmed Maxamed Islaam (Axmed Madoobe) ayaa maanta la kulmay guddoomiyaha Golaha Aqalka Sare, Cabdi Xaashi iyagoo ka wadahadlay xaaladaha siyaasada dalka.
Labada mas’uul ayaa si gaar ah diirada u saaray sidii looga gudbi lahaa xiisadda hareysay doorashooyinka, si xal loogu helo xaaladda kala guurka ah ee haatan laga jiro.
Madaxweynaha Jubbaland ayaa Muqdisho u joogo ka qeyb-galka shirka uu iclaamiyey ra’iisul wasaare Rooble kaas oo la filayo in go’aan rasmi ah looga gaaro doorashada dib u dhaca doorashada.
Madaxweyne Deni iyo Axmed Madoobe ayaa sidoo kale waxay xalay kulan hordhac ah la qaateen ra’iisul wasaaraha iyagoo ka wadahadlay furitaanka shirka Golaha Wada-tashiga.