Wararka naga soo gaaraya waqooyiga Magaalada Gaalkacyo ee gobolka Mudug ayaa sheegaya in xalay halkaasi lagu dilay wiil yar oo lagu magacaabi jiray Cabdiraxmaan Rooble kadib markii ay rasaas ku fureen kooco hubeysan isku dayay in ay taleefon uu watay ay ka qaataan.
Weli lama sheegin cid loo qabtay dilka marxuumka islamarkaana wax war ah kama soo bixin laamaha amniga Puntland ee gobolka Mudug gaar ahaanna magaalada Gaalkacyo.
Degaannada Maamulka Puntland ayaa maalmihii la soo dhaafay waxaa ku soo badanayay Falalka Lidigu ku ah Amniga iyadoo Hay’adaha Amniga Puntland marar badan ay ku cel celiyeen in ay wax ka qabanayaan Amni Xumada ka jirta degaannadaPuntland.