Faah faahino dheeraad ah ayaa kasoo baxaya dagaal geystay khasaaro isugu jira dhimasho iyo dhaawac oo laba maleeshiyo beeleed ku dhexmaray deegaan hoostaga degmada Ceel-Afweyn ee Gobolka Sanaag.
Dagaalka ayaa waxaa uu ka dhacay deegaanka Duud-carraale oo ku yaalla Galbeedka Gobolka Sanaag,waxaana kordhay khasaaraha dhimasho iyo midka dhaawac e ka dhashay dagaalkaas.
inta la xaqiijiyay 9 Ruux ayaa dagaalka ku geeriyootay 12 kale ay ku dhaawacmeeen,kuwaas oo dhamaantood ahaa maleeshiyaadkii dagaalamay,sida ay sheegeen dadka deegaanka dagaalka uu ka dhacay.
Degmada Ceel-Afweyn ee Gobolka Sanaag iyo tuulooyinka hoostaga ayaa waxaa kusoo laab laabtay dagaalka dhexmaraya beelaha,waxaana maamulka Soomaaliland ay dhowr jeer isku dayeen inay xal ka gaaraan balse ay u suurtageli weysay joojinta dagaaladaas.