Wararka naga soo gaaraya Magaalada Cadaado ee xarunta KMG ah ee maamulka Galmudug ayaa waxaa ay sheegayaan in iska horimaad geystay khasaare isugu jira dhimasho iyo dhaawac uu ka dhacay Halkaasi.
Ciidamo ka tirsan Nabad suggida Galmudug ayaa weerar ku qaaday Guri ay ku shiraan Baarlamaanka maamulka Galmudug oo ku yaalla duleedka Magaalada Cadaado, waxaana halkaasi ku sugnaa ciidamo boolis ah sida uu Risaala u sheegay Wariye ku sugan Cadaado.
Inkastoo dadka degaanka ay inoo sheegeen in aysan joogin goobta xildhibaanada hadana waxaa u diiday ciidanka Nabad suggida in ay xaruntaasi galaan ciidamo boolis oo halkaasi joogay.
Inta la xaqiijiyay labo qof ayaa ku dhimatay , halka saddex kalena ay ku dhawaacmeen iska horimaadkaasi.
Ciidamada Booliska Galmudug ayaa la sheegay in ilaalo ka haayeen goobta ay ku shiraan xildhibaanadii sheegay in ay xilka Ka qaadeen Madaxweyne Guuleed.
Magaalada Cadaado ayaa hadda waxaa ka taagan xiisad.