Baydhabo-RisaalaFM- Shariif Xasan Sheekh Aadan Madaxweynaha Dowlad Goboleedka Koonfur Galbeed Soomaaliya ayaa ansixiyay warqad xilka looga qaaday Guddoomiyaha Maxkamadda Sare ee Maamulka Koonfur Galbeed Sheekh Axmed C/laahi Fanax.
Warqadan oo ku taariikheysneyd shalay oo aheyd 18/12/2017 ayaa lagu sheegay in Madaxweyne Shariif Xasan Sheekh Aadan uu aqbalay xilka qaadista ay Gudoomiye Sheekh Axmed C/laahi Xuseen (Fanax) ku sameeyeen Golaha Addeegga Garsoorka.
Afhayeenka Madaxtooyada Maamulka Koonfur Galbeed Soomaaliya Nuuradiin Yuusuf (Gacma) ayaa warbaahinta u aqriyay warqada xafiiska Madaxweynaha ka soo baxday.
Guddoomiyaha Maxkamadda Sare ee cusub ee Maamulka Koonfur Galbeed Soomaaliya ayaa dhowaan lagu wadaa in ay soo magacaabaan Golaha Adeegga Garsoorka Koonfur Galbeed.
