Madaxweynaha Dowladda Jubaland, Axmed Maxamed Islaam, ayaa maanta gaaray magaalada Garowe, oo ah caasimadda Dowladda Puntland.
Madaxweynaha waxaa si diirran u soo dhaweeyay Madaxweynaha Dowladda Puntland, Mudane Saciid Cabdullaahi Deni, masuuliyiin ka tirsan Dowladda Puntland, iyo qeybaha kala duwan ee bulshada magaalada Garowe.
Axmed Madoobe iyo Saciid Deni ayaa kulamo waxaa ay ku yeelan doonaan Magaalada Garoowe, kaasi oo loogu soo horjeedo Madaxweynaha Soomaaliya Xasan Sheekh Maxamuud.
Kulanka labada dhinac ee Garoowe ayaa lagu wadaa in laga soo saaro go’aanno ku saabsan mowqif midaysan Puntland iyo Jubaland ka istaagaan khilaafka siyaasadeed ee dalka, gaar ahaanna muranka ka taagan wax ka beddelkii Villa Somalia ku samaysay dastuurkii KMG ahaa ee dalka iyo sidoo kale khilaafka doorashooyinka.
Wararka ayaa sidoo kale sheegaya in Siciid Deni iyo Axmed Madoobe qorshaynayaan in mucaaridka Muqdisho lagu casumo Garoowe, si loo qabto shir ku saabsan jihaynta marxaladda siyaasadeed ee Soomaaliya oo ay ugu horrayso doorashada Madaxtinimada dalka ee 2026.