AKHRISO: Warar ku saabsan doorashadda maamulka Jubbaland

Magaalada Kismaayo waxaa Caawa ka bilowday Kulamo u dhaxeeya xildhibaano ka tirsan baarlamaanka Soomaaliya iyo Mas’uuliyiinta maamulka Jubbaland ee ku sugan Magaalada Sidda Madaxweynaha iyo ku xigeenadiisa.

Ku dhawaad 30 xildhibaan oo ka tirsan Golaha Shacabka iyo Aqalka Sare ayaa maanta gaaray Magaalada Kismaayo.

Qaar ka mid ah xildhibaanada Jubbaland ee shalay la dhaariyay ayaa Magaalada Kismaayo ka bilaabay in ay kulamo kala duwan la qaataan xildhibaanada iyo qeybaha kala duwan ee bulshadda.

Saacaddihii ugu dambeeyay ayaa waxa soo baxayay Musharaxiinta u taagan xilka Guddoonka baarlamaanka maamulka Jubbaland oo doorashdiisa ay Magaalada Kismaayo ay ka dhici doonto maalmaha soo socda.

Qoraal kasoo baxay Guddiga madax bannaan ee xaduudaha iyo doorashooyinka Dowlad Goboleedka Jubnaland ayaa waxaa isbedel lagu sameeyay jadwalka xilliga ay dhici laheyd doorashada Madaxweynaha Jubbaland & tan guddoonka Baarlamaanka.

Qoraalka Guddiga ayaa lagu sheegay in Maanta oo Arbaco ah ay bilaabaneyso diiwaangelinta musharixiinta Guddoonka Baarlamaanka, maalinta berito ahna ay tahay Maalinta hadal-jeedinta musharixiinta,isla markaana Sabtida oo ku beegan 17-ka Bisha Agoosto la qabanayo doorashada guddoonka Baarlamaanka Jubbaland.