Hoggaamiyaha SSC Khaatumo Cabdiqaadir Axmed Aw-Cali Fardhiye ayaa Hambalyo u diray Madaxweynaha Puntland Saciid Cabdullaahi Deni oo markale loo doortay inuu noqdo Madaxweynaha Puntland.
Hoggaamiye Fardhiye wuxuu ku bogaadinayay shacabka iyo hay’adaha Dastuuriga ah ee Puntland sida habsamida leh ee ay uga shaqeeyeen in doorashada Puntland ku qabsoonto Jawi nabadeed oo xasiloon.
Hoggaamiyayaha SSC Khaatuma ayaa sheegay in Alle uu uga baryaayo Madaxweynaha la doortay in xilka u fududeeyo, lana garabgalo masuuliyadda culus ee markale loo igmaday.
Ugu danbayn, Hoggaamiyaha ayaa xusay in Maamulka iyo shacabka SSC-KHAATUMO ay garabtaaganyihiin Shacabka iyo Maamulka Puntland.