Taliyaha Ciidanka booliska Soomaaliyeed Sareeyo gaas Cabdi Xasan Maxamed (Xijaar) ahna Guddoomiyaha guddiga amniga doorashooyinka qaranka ayaa magaalada Muqdisho ka furay shirka guddiga amniga doorashooyinka qaranka ee 2020/2021,kaasi oo ka socda xarunta Xalane ee garoonka Aadan Cadde.
Shirkaan oo looga hadlayo arrimaha doorashooyinka qaranka ayaa waxaa ka qeyb-galaya, Xubno ka kala socdo xafiisyada madaxweynaha,Ra’iisul wasaaraha,Xoogga dalka,taliyaasha Ciidamada booliska dowlad goboleedka dalka ,wasaaradda amniga gudaha,mas’uuliyiinka ka socoto Qaramada Midoobay ,iyo AMISOM.
Afhayeenka Ciidanka Booliska Soomaaliyeed Sadiiq Aadan Cali ayaa faah faahin ka bixiyay ujeedada shirka iyo waxyaabah looga hadli doono Saddexda Cisho oo uu shirkaasi socon doono.