Wafdi uu horkacayay guddoomiyaha Maamulka gobolka Hiiraan Cali Jeyte Cismaan, ayaa Maanta waxaa ay gaareen degmada Feerfeer ee Gobolkaasi Hiiraan, halkaas oo siweyn loogu soo dhaweeyay.
Wafdiga ayaa waxaa qeyb ka ah Saraakiisha ciidamada qalabka sida, gudoomiye ku-xigeenka amniga gobolka Hiiraan ,Xunbo ka tirsan Gollaha Wasiiradda maamul Goboleedka Hir-shabeelle,Taliyaha qaybta Booliska gobolka Hiiraan,ayaa si diiran loogu soodhaweeyay degmada Feer-feer ee Gobolka Hiiraan, waxaana afafka hore ee degmada kaga horyimid maamulka degmada feer-feer iyo shacabka degmada ku dhaqan .
Waxa la filayaa saacadaha soo socda in uu u bilowdo kulan laga arinsanayo hormarinta degmada iyo sidii loo adkeyn lahaa ammaanka.
Guddoomiyaha gobolka ayaa inta uu ku sugan yahay degmada fee-feer waxa uu xariga ka jari doonaa mashraariic hormarineed oo degmada laga hergeliyay.